Að banna vændi bjargar ekki heimilunum, eða hvað ?

 

Sorglegt fannst mér að heyra talsmann sjálfstæðisflokksins segja þetta á borgarafundi suðlands, sem sjónvarpað var í kvöld.

Getur verið að vændi bjargi þá heimilunum ?  Sér kannski flokkurinn þarna nýja leið til að afla fjár.

Ég er nú þeirrar skoðunar að siðferði og velmegun þjóðfélags fari saman. Getur verið, að það sé svo illa komið fyrir okkar þjóð vegna okkar siðleysis ?

Mig furðar ekki á því að gamli foringinn hafi verið óánægður með hina nýju hugmyndafræði flokksins. Flokkur sem gefur sig út fyrir að standa vörð um kristið siðgæði, en virðist síðan vera í farabroddi siðleysisins getur varla talist trúverðugur. En kannski er búið að kippa þessu með kristna siðgæðið út. A.m.k. virðist hin nýja kynslóð flokksins ekki  vita hvað það er.

 

Tíund, ný fjáröflun fyrir stjórnmálaflokka ?

 

Í biblíunni segir frá því að Abraham gaf Guði tíund, sem þakklæti fyrir að hafa unnið sigur í stríði.

Það segir líka frá því að áður en Ísrelsþjóðin tók sér konung og hafnaði þar með Guði sem sýnum konungi þá guldu þeir tíund sem var í raun þeirra skattur. Eftir að þeir fengu konung hækkuðu skattar.

Í kirkjunni okkar gefa þeir sem vilja tíund bæði til að halda starfinu gangandi og líka til þess að segja að við trúum því að líf okkar og heilsa komi frá Guði skapara himins og jarðar.

Mér hefur komið í hug að þetta væri ágæt leið hjá 4 flokkunum og reyndar hinum nýju líka að hvetja flokksmenn til að borga tíund til flokksins.

Það gerir bæði málefnið og málstaðinn trúverðugan, að þeir sem að honum standa vilji styrka hann, en ekki sækja styrkina eitthvað annað.

Tek annars fram að þessir styrkir valda mér ekki beint hneykslun, ef fyrirtæki vilja styrkja flokka, þá er það í lagi, svo lengi sem þau vilja ekki fá eitthvað í staðin, eða eins og máltækið segir: "Æ, veit gjöf sér til gjalda."

Svo að lokum, treystir sér einhver flokkur til að bjóða upp á tíund sem skattlagningu eins og skaparinn gerði???

 

Var þá Icesave góð fjárfesting eftir allt saman?

Allt er í heiminum hverfult, það sem var tapað í gær, er fundið í dag.

Sunday Times hefur þetta eftir formanni bæjarráðs í Kent: "Við höfum verið gagnrýndir fyrir að leggja féð inn í íslenska banka en nú er útlit fyrir að við hefðum tapað mun meira fé ef við hefðum haldið fénu bundnu í hlutabréfum," segir Carter við blaðið 

 

Óvænt fé í íslenskum banka

Getur það verið að það skipti máli, á hvern við trúum?

Svona fréttir fylla mig alltaf óhug, er ekki betra að trúa á þann Guð, sem dó í okkar stað fyrir syndir okkar.

Opinber aftaka í Afganistan

Beiskja,ofsi,reiði og byssa.

Þegar ég las þessa frétt kom í huga minn orð Páls úr Efesusbréfinu 4.31. Látið hvers konar beiskju,ofsa, reiði hávaða og lastmæli vera fjarri yður og alla mannvonsku yfirleitt.

Og þegar byssan bætist í hópin, þá er voðin vís. Lítið barn án foreldra og ungt fólk í blóma lífsins ekki lengur á meðal okkar.

Myrti par fyrir að leggja í einkastæði

Don´t worry be happy.

 

Einhver sagði, þú þarft ekki hluti til að lifa, en þú þarft að lifa til að eiga hluti.

Maður nokkur ákvað að eyða nokkrum dögum í klaustri. Ég vona að dvöl þín hér verði þér til blessunar sagði munkurinn sem sýndi honum klefann, sem hann átti að sofa í. Og ef þig vantar eitthvað þá láttu okkur vita. Við munum kenna þér að vera án þess.

Svo er gott að muna að hlutirnir geta alltaf verið verri.

Snati lá í hundakofanum sínum á þakkargjörðardegi, kveinandi yfir því að sitja uppi með bara hundamat, meðan mannfólkið var að gæða sér á kalkún, sósu og pumkin pie. En auðvitað gæti þetta nú verið verra, hugsaði hann. Ég gæti hafa fæðst "Kalkún"

Að minna sig á að þetta gæti verið verra, getur stundum getur stundum verið nóg til að taka gleði sína á ný.

Páll postuli segir í Filippíbréfinu 4.12:

Ég kann að búa við lítinn kost, ég kann einnig að hafa allsnægtir. Ég er fullreyndur orðinn í öllum hlutum, að vera mettur og hungraður, að hafa allsnægtir og líða skort. ¹³Allt megna ég fyrir hjálp hans sem mig styrkan gerir.

Páll varar okkur einnig við ágirnd í Kólossubréfinu 3.5. og segir að ágirnd sé skurðgoðadýrkun.

Og það er einmitt málið, þegar lífið snýst bara um hluti og það sem hægt er að eignast.

Er ekki merkilegt að margir hafa alla þessi hluti, sem peningar geta veitt, en eru samt óuppfylltir.

Jesús Kristur sagði: Ég er kominn til þess að þeir hafi líf, líf í fullri gnægð.

Veljum lífið, og hamingjuna.

 

Jesús Kristur er upprisinn.

 

Hallgrímur Pétursson orti svo:

 

Hefði ei vaktin geymt og gætt

grafarinnar, sem nú var rætt,

orsök var meiri´að efast þá,

hvort upp réð stá

drottinn vor Jesú dauðum frá.

 

Hér bendir Hallgrímur okkur á að grafarinnar hafi verið gætt, og segir óbeint að rómversku hermennirnir séu í raun vottar að upprisu Krists.

Matteus 28, segir okkur hið sama.

 

¹Að liðnum hvíldardegi, þegar lýsti af fyrsta degi vikunnar, komu þær María Magdalena og María hin til að líta á gröfina. ²Þá varð landskjálfti mikill því engill Drottins sté niður af himni, kom og velti steininum og settist á hann. ³Hann var sem elding ásýndum og klæðin hvít sem snjór. ⁴Varðmennirnir skulfu af hræðslu við hann og urðu sem örendir.
⁵En engillinn mælti við konurnar: „Þið skuluð eigi óttast. Ég veit að þið leitið að Jesú hinum krossfesta. ⁶Hann er ekki hér. Hann er upp risinn, eins og hann sagði.

 

Við sjáum hér að varðmennirnir sáu engilinn og voru skelfingu lostnir.

Síðan lesum við:

 Matteus 28.11. ¹¹Meðan þær voru á leiðinni komu nokkrir varðmenn til borgarinnar og sögðu æðstu prestunum allt sem gerst hafði. ¹²En þeir kvöddu saman öldungana og tóku það ráð með þeim að bera mikið fé á hermennina og mæltu við þá: ¹³„Segið þetta: Lærisveinar hans komu á næturþeli meðan við sváfum og stálu honum. ¹⁴Og ef þetta berst landshöfðingjanum til eyrna skulum við sefa hann svo að þið getið verið áhyggjulausir."
¹⁵Hermennirnir tóku við fénu og gerðu sem þeim var sagt. Þessi sögusögn hefur verið borin út meðal Gyðinga allt til þessa dags.

Þegar við tölum um upprisu Jesú Krists í dag eru margir vantrúaðir. En það er ekkert nýtt. Lærisveinar hans voru einnig mjög vantrúaðir. Þegar konurnar sögðu þeim frá þessu þá lesum við:

Lúk 18. 11. En þeir töldu orð þeirra markleysu eina og trúðu þeim ekki. ¹²Pétur stóð þó upp og hljóp til grafarinnar, skyggndist inn og sá þar líkklæðin ein. Fór hann heim síðan og undraðist það sem við hafði borið.^[3]

Samt er ritningin mjög skýr að, ef Jesús er ekki upprisinn þá er trú okkar fánýt. 1.kor 15.14.

Við sjáum síðan að lærisveinar hans sannfærðust um upprisu hans eftir að hann hafði birst þeim.Lúk.24. 13-49.

Því má bæta við að þegar haft er í huga hve mikið lærisveinarnir urðu að líða, fyrir trú sína , þeir voru húðstrýktir, pyntaðir og sumir deyddir, þá er það mjög ósennilegt að þeir hafi verið fúsir að hætta lífi sínu fyrir málstað sem þeir vissu að væri uppspuni.

Vísindamaður við Cambridge - háskóla, snérist einmitt til kristinnar trúar, þegar hann hafði krufið þetta til mergjar.

Hann komst að þeirri niðurstöðu að lærisveinarnir hefðu ekki verið fúsir að ganga í dauðan fyrir það sem þeir vissu að var lygi.

 

 

 

Þú þarft ekki að vera bitur

 

Hæfileiki þinn til að ná árangri í lífinu, byggir  oft á þínu eigin vali: "Hvernig tekst þú á við það sem hefur verið gert á hluta þinn í fortíðinni, eða það sem gert er á hluta þinn nú" Dr. Viktor Frankl  komst í gegnum hið hræðilega " Holocaust" á þessu grundvallaratriði.

Nasistarnir drápu fjölskyldu hans, settu hann í fangabúðir, sveltu hann og  misþyrmdu.

Þegar stríðinu lauk, þá var Frankl hvorki brotinn, né bitur. Þegar hann var spurður að því hvernig hann gæti lifað af þessa reynslu og haldið jákvæðni sinni svaraði hann: Það er hægt að taka allt frá manninum , utan eitt: " Frelsi mannsins til að velja sitt viðhorf í sérhverjum kringumstæðum, Frelsið að velja."

Iðjuleysi færir örbirgð,en auðs aflar iðin hönd

 

Þegar Bill Gates, stofnandi Microsoft, var eitt sinn spurður hvernig hann hefði náð slíkum árangri, gaf hann þessi 10 eftirfarandi ráð til þeirra sem vildu reyna fyrir sér í viðskiptum.

Og þessi ráð eru virkilega verð umhugsunar.

 

1. Lífið er ekki sanngjarnt, sættu þig við það.
2. Umheiminum er sama um þitt sjálfsmat, hann ætlast til að þú náir árangri áður en að þú getur verið ánægður með sjálfan þig.
3. Þú byrjar ekki með milljón á mánuði, þegar þú lýkur námi, þú byrjar heldur ekki sem framkvæmdastjóri, þú þarft að vinna þig upp.
4. Finnst þér kennarinn þinn harður, bíddu þangað til þú hefur "Yfirmann"
5. Að snúa hamborgurum er ekki fyrir neðan þína virðingu, afi þinn og amma kölluðu það tækifæri.
6. Foreldrar þínir voru ekki alltaf leiðinlegir, það hófst með því að fæða þig, hreinsa fötin þín og borga reikningana þína. Svo áður en þú hleypur af stað til að bjarga skóginum frá " Sníkjudýrunum" sem tilheyra kynslóð foreldra þinna, reyndu þá fyrst að "aflúsa þinn eigin fataskáp."
7. Það getur verið að sumir skólar séu hættir að skilgreina: "winners and loosers" en lífið hefur ekki gert það.
8. Lífið skiptist ekki í skóla annir. Þú færð ekki frí á sumrin. Vinnuveitendur þínir hafa ekki áhuga á því að hjálpa þér að "finna sjálfan þig," þú gerir það í þínum frítíma.
9. ´Olíkt því sem þú sérð í sjónvarpinu, þá þarf  raunverulegt fólk að yfirgefa kaffihúsið og halda áfram að vinna.
10. Vertu kurteis við sérvitringa, dag einn gætir þú endað í vinnu hjá einum þeirra.

          Það má segja að orð Bill Gates séu í takt við heilræði Salómons konungs, sem sagði:" Sál   letingjans girnist og fær ekki, en sál hinna iðnu mettast ríkulega.

Það þarf meira afl til að skapa frið, heldur en stríð.

            

                     

 

Stríð virðist afl sem menn ráða vel við, en friður virðist hins vegar ofar mannlegum mætti. Gott dæmi eru mótmæli sem eiga að vera friðsamleg, hafa aftur og aftur endað með skrílslátum og ofbeldi, jafnvel gegn lögreglu.

Annað dæmi höfum við: Saga síðustu aldar kennir okkur einnig að þótt menn vilji halda frið þá er erfiðara að höndla en vilja. Tveir hörmulegustu atburðir síðustu aldar eru: Fyrri og síðari heimstyrjöldin.

Eftir fyrri heimstyrjöldina hittust margir af leiðtogum þjóða heims og lofuðu því, að þetta gerðist aldrei aftur. Þeir mynduðu með sér bandalag þjóðanna, bandalag sem hafði þá stefnu að stuðla að friði í heiminum. Þessi draumur varð ekki langlífur. Tuttugu árum síðar skellur síðari heimsstyrjöldin á.

Eftir síðari heimstyrjöldina, gerðu leiðtogar heims aftur með sér sáttmála eða viljayfirlýsingu, að heimsbyggðin þyrfti aldrei aftur að líða slíkar hörmungar, sem slíkt stríð hefur í för með sér. Samt hafa fleiri stríð verið háð eftir stofnun Sameinuðu þjóðanna, en fyrir tilurð þeirra . Og í dag má segja að tilgangur eða gagnsemi Sameinuðu þjóðanna sé eitt stórt spurningarmerki.

Einhver spurði: Af hverju getum við ekki búið saman í sátt og samlyndi? Af hverju eru mennirnir svo pirraðir ?Af hverju þurfa ættbálkar sífellt að eiga í óeirðum?  Af hverju þurfa börnin okkar að drepa hvert annað á götunni?

Af hverju ?

Syndaeðlið er óuppfyllt.

Strax í upphafi sjáum við einn anga syndaeðlisins, öfundina, að verki, sem endar með bróðurmorði.

1.Mósebók 4.2-9

²Síðar fæddi hún Abel, bróður hans. Abel varð hjarðmaður en Kain akuryrkjumaður.
³Einhverju sinni færði Kain Drottni fórn af ávexti jarðarinnar. ⁴Abel færði einnig fórn af frumburðum hjarðar sinnar og feiti þeirra. Drottinn gaf gaum að Abel og fórn hans ⁵en leit ekki við Kain og fórn hans. Þá reiddist Kain mjög og varð þungur á brún. ⁶Drottinn sagði við Kain: „Hví reiðist þú og ert þungur á brún? ⁷Er ekki svo að þú getur verið upplitsdjarfur ef þú gerir rétt, en gerir þú rangt þá liggur syndin við dyrnar? Hún girnist þig en þú getur sigrast á henni." ^[2]

Önnur hugsanleg þýðing: ... en þú skalt sigrast á henni.⁸Þá sagði Kain við Abel, bróður sinn: „Göngum út á akurinn." ^[3]  Og er þeir voru á akrinum réðst Kain á Abel, bróður sinn, og drap hann. ⁹Þá sagði Drottinn við Kain: „Hvar er Abel bróðir þinn?" Kain svaraði: „Það veit ég ekki. Á ég að gæta bróður míns?"

Orðskv. 27.4. Heiftin er grimm og reiðin svæsin, en hver fær staðist öfundina.

Orðskv.21.8   Boginn er vegur þess manns er synd er hlaðinn.

Þannig að rót vandans er syndin eða eðli syndarinnar. Margir bera óþarfar byrðar vegna syndar. Mörg börn verða því miður of oft fórnarlömb syndar þeirra sem eru í kring um þau.

Stríð og friður er því, spurning um hvað býr í hjarta mannsins. Sannur friður kemur frá hjarta mannsins, þegar hann hefur aflagt syndaeðlið og tekið á móti Honum, sem sagði, " Minn frið gef ég yður."

Orðskviðirnir 16:32  Sá sem stjórnar geði sínu er meiri en sá sem vinnur borgir.

Það er hægt að tala um frið, koma á friði jafnvel með hervaldi, en það er ekki fyrr en friðurinn kemur frá mannsins hjarta að hann er varanlegur.

Mér er kunnugt um það að jafnvel á þessum tíma eru Palestínumenn og Ísrelsmenn sem biðja saman, þrátt fyrir það að landar þeirra eigi í stríði.

Þeir hafa sameinast í þeim friði sem Jesús Kristur gefur.

Margir á Íslandi gagnrýna og mótmæla í dag. En hvað með þeirra hjarta ? Geta þeir stjórnað eigin geði ?Það er talað um að við þurfum nýja stjórn eða nýtt lýðveldi. En ég spyr, Hvað mun breytast ???

Eða viljum við byltingu eins og á Kúbu árið 1959, þar sem skipt var út spillingu og örbyrgð kom í staðin.

Nei, mannlegt eðli er spillt og syndugt, og það mun ekki breytast neitt, þótt skipt verði um ríkisstjórn.Nei, maðurinn virkar illa þegar hann er tekinn úr sambandi við skapara sinn og friðarhöfðingja.

Ísland þarfnast andlegar vakningar, þar sem við snúum okkur frá syndum okkar og auðmýkjum okkur fyrir skapara okkar okkar og Drottni.