Leita í fréttum mbl.is

Jesús Kristur er upprisinn.

 

Hallgrímur Pétursson orti svo:

 

Hefði ei vaktin geymt og gætt

grafarinnar, sem nú var rætt,

orsök var meiri´að efast þá,

hvort upp réð stá

drottinn vor Jesú dauðum frá.

 

Hér bendir Hallgrímur okkur á að grafarinnar hafi verið gætt, og segir óbeint að rómversku hermennirnir séu í raun vottar að upprisu Krists.

Matteus 28, segir okkur hið sama.

 

1Að liðnum hvíldardegi, þegar lýsti af fyrsta degi vikunnar, komu þær María Magdalena og María hin til að líta á gröfina. 2Þá varð landskjálfti mikill því engill Drottins sté niður af himni, kom og velti steininum og settist á hann. 3Hann var sem elding ásýndum og klæðin hvít sem snjór. 4Varðmennirnir skulfu af hræðslu við hann og urðu sem örendir.
5En engillinn mælti við konurnar: „Þið skuluð eigi óttast. Ég veit að þið leitið að Jesú hinum krossfesta. 6Hann er ekki hér. Hann er upp risinn, eins og hann sagði.

 

Við sjáum hér að varðmennirnir sáu engilinn og voru skelfingu lostnir.

Síðan lesum við:

 Matteus 28.11. 11Meðan þær voru á leiðinni komu nokkrir varðmenn til borgarinnar og sögðu æðstu prestunum allt sem gerst hafði. 12En þeir kvöddu saman öldungana og tóku það ráð með þeim að bera mikið fé á hermennina og mæltu við þá: 13„Segið þetta: Lærisveinar hans komu á næturþeli meðan við sváfum og stálu honum. 14Og ef þetta berst landshöfðingjanum til eyrna skulum við sefa hann svo að þið getið verið áhyggjulausir."
15Hermennirnir tóku við fénu og gerðu sem þeim var sagt. Þessi sögusögn hefur verið borin út meðal Gyðinga allt til þessa dags.

Þegar við tölum um upprisu Jesú Krists í dag eru margir vantrúaðir. En það er ekkert nýtt. Lærisveinar hans voru einnig mjög vantrúaðir. Þegar konurnar sögðu þeim frá þessu þá lesum við:

Lúk 18. 11. En þeir töldu orð þeirra markleysu eina og trúðu þeim ekki. 12Pétur stóð þó upp og hljóp til grafarinnar, skyggndist inn og sá þar líkklæðin ein. Fór hann heim síðan og undraðist það sem við hafði borið.[3]

Samt er ritningin mjög skýr að, ef Jesús er ekki upprisinn þá er trú okkar fánýt. 1.kor 15.14.

Við sjáum síðan að lærisveinar hans sannfærðust um upprisu hans eftir að hann hafði birst þeim.Lúk.24. 13-49.

Því má bæta við að þegar haft er í huga hve mikið lærisveinarnir urðu að líða, fyrir trú sína , þeir voru húðstrýktir, pyntaðir og sumir deyddir, þá er það mjög ósennilegt að þeir hafi verið fúsir að hætta lífi sínu fyrir málstað sem þeir vissu að væri uppspuni.

Vísindamaður við Cambridge - háskóla, snérist einmitt til kristinnar trúar, þegar hann hafði krufið þetta til mergjar.

Hann komst að þeirri niðurstöðu að lærisveinarnir hefðu ekki verið fúsir að ganga í dauðan fyrir það sem þeir vissu að var lygi.

 

 

 


« Síðasta færsla | Næsta færsla »

Athugasemdir

1 Smámynd: Hjalti Rúnar Ómarsson

Því má bæta við að þegar haft er í huga hve mikið lærisveinarnir urðu að líða, fyrir trú sína , þeir voru húðstrýktir, pyntaðir og sumir deyddir, þá er það mjög ósennilegt að þeir hafi verið fúsir að hætta lífi sínu fyrir málstað sem þeir vissu að væri uppspuni.

Og hvaða heimildir hefurðu fyrir því að lærisveinarnir hafi þurft að líða svona mikið fyrir trú sína?

Hjalti Rúnar Ómarsson, 12.4.2009 kl. 17:04

2 Smámynd: Rósa Aðalsteinsdóttir


Christian Glitter by www.christianglitter.com

Sæll og blessaður

Gleðilega Páska

Guð veri með þér og þínum

Kær kveðja frá hjara veraldar

Rósa Aðalsteinsdóttir, 12.4.2009 kl. 18:27

3 Smámynd: Kristinn Ásgrímsson

Blessaður Hjalti minn, ég hélt að þú vissir að ég væri trúaður.

Þetta stendur t.d. í biblíunni, svo er til eitthvað sem heitir kirkjusaga.

Þar fyrir utan er til góð bók á íslensku sem heitir:"Kristnir píslavottar"og fjallar um ofsóknir rómverja gegn hinum kristnu

Kristinn Ásgrímsson, 12.4.2009 kl. 22:28

4 Smámynd: Kristinn Ásgrímsson

Sæl Rósa.

Þú veist að ég sendi reikning fyrir myndefni

Kveðja til þín og þinna.

Kristinn Ásgrímsson, 12.4.2009 kl. 22:29

5 Smámynd: Hjalti Rúnar Ómarsson

Blessaður Hjalti minn, ég hélt að þú vissir að ég væri trúaður.

Ég veit að þú er trúaður, en ég set ekki samansemmerki á milli þess að vera trúaður og að nota léleg rök til þess að rökstyðja þá trú.

Þetta stendur t.d. í biblíunni, ...

Gætirðu nokkuð vísað á versin?

...svo er til eitthvað sem heitir kirkjusaga.

Bara eitthvað almennt sem heitir "kirkjusaga", eða byggir þetta á einhverjum heimildum?

Hjalti Rúnar Ómarsson, 13.4.2009 kl. 04:08

6 Smámynd: Kristinn Ásgrímsson

Hjalti, kirkjusaga hlýtur að byggja á heimildum hvers tíma. Ég minntist á bók við þig sem ég las fyrir löngu og einn bloggvinur minn er reyndar að vitna í og heitir: „Kristnir píslarvottar,“ eftir Curt Björgquist í þýðingu Ásmundar Eiríkssonar, gefin út af Fíladelfíu 1949.

Nú biblían hefur heilmikið um ofsóknir gegn kristnum að segja .

Post. 4.3. Post 5.17. 40.  Post .7.54-60  Post 8.1-4.   Post 9.23

Post 12.1-5   Post 14.19   Post 16.22-25.  2.Kor. 1.8-10   2. Kor 24-26.  Læt þetta nægja að sinni.

Kristinn Ásgrímsson, 13.4.2009 kl. 21:46

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Kristinn Ásgrímsson
Kristinn Ásgrímsson
Safnaðarhirðir Hvítasunnukirkjunnar í Keflavík. Nafnlausar athugasemdir eru ekki leyfðar á þessum vef og verða fjarlægðar, sem og dónalegar athugasemdir.

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 2
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband