Þessi ungi palestínumaður fann lausn, ekki reiður lengur.

Það virðist hins vegar ekki hægt að segja það um þessa herramenn:

"Markmið fundarinn er aðeins eitt: að setja af stað ferli til þess að binda enda á þann klofning sem ríkir á meðal Palestínumanna," sagði al-Ahmed.

Að sögn Izzat al-Rishq, hátt setts fulltrúa í sendinefnd Hamas, er vonin sú að báðar fylkingar nái sáttum um að sleppa lausum þeim pólitísku föngum sem eru í haldi beggja fylkinga. "

Sannur friður byrjar í hjarta sérhvers manns.  það er bæn mín að þessir herramenn megi einnig finna hinn sanna frið. Og það er einnig bæn mín fyrir Ísrael, að þeir megi meðtaka þann sem þeir höfnuðu. 

Hreyfingar Palestínumanna funda í Kaíró

Sonur Hamas

Hér er stutt viðtal við höfund bókarinnar " Sonur Hamas"   Mosab Hassan Yousef.

 

Er líklegt að Össur komi á friði fyrir botni miðjarðarhafs ?

Merkileg þykir mér sú stefna sem þessi vinstri stjórn hefur mótað í málefnum Palestínu.

Að vísu hafði forveri Össurar Ingibjörg öðlast breytta sýn, þegar hún heimsótti bæði Ísrael og Gasa.

Þá uppgötvaði hún að það voru tveir aðilar sem áttu í deilu, en ekki bara hinn vondi Ísrael að kvelja lítilmagnann. En þannig hljómar fréttaflutningur oftast á Íslandi. Ég hef ekki heyrt eða séð í fréttum hér, að 10 flugskeytum var skotið frá Gasa inn í Ísrael um síðustu helgi.

En nýlega kom út bók, sem tekur á kjarna þessara deilumála, skrifuð af syni eins þeirra sem stofnuðu Hamas samtökin árið 1986. Þar lýsir þessi ungi maður báðum hliðum og segir frá æsku sinni, þar sem hann kastar grjóti að ísraelskum hervélum, frá dvöl sinni í ísraelsku fangelsi,   dregur upp mynd af " friðarverðlaunahafanum og hryðjuverkamanninum Yasser Arafat" , sem hann lýsir sem athyglissjúkum, slægum og gjörspilltum manni.

Ennfremur segir þessi ungi maður frá því hvernig hann hætti að trúa á þau lífsgildi sem hann hafði alist upp við.

Ég held að þessi bók, sé góð fyrir alla, hvað skoðun sem þeir hafa á málefnum miðausturlanda.

Láttu ekki fordóma stöðva þig í að lesa þessa bók.

Mjög spennandi bók, sem fæst í flestum bókaverslunum.

 

Ræddu leiðir til að endurvekja friðarferlið

Mannréttindi á Íslandi ??

Í þessarri frétt telur ráðherrann okkar að flóttamenn fái réttláta meðferð í Noregi. En því miður er því ekki svo farið. Fólk myndi ekki flýja frá Noregi ef það fengi réttláta meðferð. Nýlega var innflytjendalögum breytt í Noregi. Fólk sem var búið að koma sér fyrir vera þar jafnvel 12 ár í vinnu og búið að eignast heimili lenti aftur á byrjunarreit.

Utanríkisráðherrann okkar hefur farið mikinn undanfarið og talað um mannréttindabrot Ísraelsmanna. En hvað gerum við íslendingar við fólk sem er að reyna bjarga lífi sínu og kemur hingað til lands. Jú, við bjóðum það velkomið með 30 daga fangelsi. Ég tel að minn kæri Össur mætti rifja upp söguna, sem hann lærði í Hliðardalsskóla forðum, " um bjálkann og flísina.

Nýlega komu hingað til lands 3 Eþíópu menn, fólk með menntun, kristið og þráir ekkert heitar en að búa í sínu heimalandi. Þau höfðu dvalið 4-5 ár í Noregi, og þar var þeim synjað um dvalarleyfi og átti að senda þau til baka til Eþíópíu. Þau tóku til sinna ráða og fengu sér vegabréf, og freistuðu þess að komast til Kanada, þar sem þau segja að menn hafi skilning á málefnum Eþíopíu. En eins og svo margir aðrir þá voru þau stöðvuð í Leifstöð, þar sem þau þurftu að millilenda.

Fengu að dúsa í hegningarhúsinu á Skólavöðustíg í 15 daga, fengu styttingu á dómi sínum, sennilega vegna þrengsla í íslenskum fangelsum. En hjartanlega velkomin til Íslands samt. Nú, þau áttu ekki annars úrkosta en biðja um hæli hér á landi, þótt það væri kannski ekki það sem þau vildu.

Nú eftir u.þ.b. mánuð þá fengu þau bréf frá úlendinga stofnun, þar sem þeim er tjáð að þeirra mál verði ekki tekið fyrir á Íslandi, þau verði send til Noregs.

Og það þýðir í raun að þau verða send til Eþíópíu, þar sem þeirra bíður fangelsi og pyntingar. Af hverju ? Jú þau deila ekki sömu pólitísku skoðun og forseti landsins.

Fyrir þá sem ekki vita, að eftir kosningar í Eþíópíu 1995, þá gerðust svipaðir atburðir og eru að gerast í Sýrlandi núna. Pólitískir andstæðingar voru miskunnarlaust drepnir, fangelsaðir og pyntaðir.

Frjálsir fjölmiðlar eru að mestu bannaðir og fjölmiðlamenn hafa mátt dúsa í fangelsum aftur og aftur.

Ég spyr, ef við íslendingar teljum oss þess umkoma að skipta okkur að málum annarra þjóða, hvernig væri að líta í eigin barm.

Þessir Eþíópíumenn hafa komið á samkomur hjá okkur í Hvítasunnukirkjunni í Keflavík og ég verð að segja að þetta fólk er örvæntingarfullt. Það óttast um líf sitt. Ég skora á ríkisstjórn Íslands að virða þau sjálfsögðu mannréttindi að hjálpa fólki sem berst fyrir lífi sínu.

Ég vil taka fram að margir hafa fengið góða og réttláta meðferð á Íslandi, en að bjóða fólk velkomið með fangelsisvist er ómannúðlegt.

Set inn slóð hér sem lýsir ástandinu í Eþíópíu:https://docs.google.com/viewer?a=v&pid=gmail&attid=0.2&thid=13130d1cb4320aa4&mt=application/pdf&url=https://mail.google.com/mail/?ui%3D2%26ik%3D82ecab8453%26view%3Datt%26th%3D13130d1cb4320aa4%26attid%3D0.2%26disp%3Dsafe%26zw&sig=AHIEtbQyWCH3N9tXWmwDBHyvcmKD9V3z3A

Á að fá úrlausn í Noregi

Leita leiða til að kasta evrunni

Nú er um að gera fyrir Jóhönnu og Steingrím að standa klár á því og grípa .....

Það er sorglegt að þjóð okkar skuli kosta kapps um og eyða milljörðum í að fá að taka þátt í hruni E.S.B. Var ekki nóg að upplifa okkar eigið hrun.

Evran byrði á Slóvökum

Að gefa með réttu hugarfari.

Á þessum tíma eru margir uppteknir af því hvað eigi að gefa, og enn aðrir velta því fyrir sér hvað sé í pakkanum þeirra.En svona til hugleiðingar eru hér tvær sögur sem segja okkur að það skiptir líka máli hugarfarið á bak við gjöfina.

Saga 1 : Árið 1977 voru hjón sem ákváðu að gefa 3 milljónir dollara til að reisa nýjan dýragarð fyrir börn í Central Park NY.  En fljótlega kom upp vandamál vegna þess að skiltið sem sagði hverjir gefendur væru var ekki nógu stórt. Einnig var það vandamál að einhverjir sem höfðu gefið til þessa málefnis 30 árum áður , þeirra skilti var stærra.  Það kom upp tillaga að skipta út nöfnum fyrri gefenda fyrir þá síðari, en þegar stjórn dýragarðsins kom saman þá hafnaði hún þeirri hugmynd. Það sem gerðist næst var að hjónin drógu gjöf sína til baka.

Saga 2. Charles Spurgeon  og kona hans seldu alltaf eggin frá hænum sínum.  Jafnvel nánustu ættingjar þurftu að borga. Vegna þessa,  þá var sagt um þau, að þau væru ágjörn.

Það var ekki fyrr en eftir að kona Spurgeon lést að allur sannleikurinn kom í ljós. Allur ágóði af eggjasölunni rann til tveggja fátækra ekkna.  Það var greinilegt að Spurgeon hjónunum fannst meira til þess koma hvernig Guð leit á þeirra gjöf , heldur en menn. Matt. 6.1

Guð gefi ykkur öllum gleðileg jól 

Getur verið að skaparinn setji okkur í réttan líkama eftir allt saman ?

Athyglisverð  frétt í ljósi þeirrar umræðu sem hefur átt sér stað. Það hefur alltaf verið mín sannfæring að það besta sé að vera bara eins og maður er af Guði gerður.

Einhver sagði, ef við gerum núna það sem er erfitt, þá verður lífið létt. En ef við gerum núna það sem er létt, þá verður lífið erfitt.

Ekki ætla ég að gera lítið úr þeirri baráttu sem þeir einstaklingar eiga í sem eru óánægðir með kyn sitt, en það sem virðist heillandi og fýsilegt er ekki endilega það sem skapar lífsfyllingu og hamingju til frambúðar.

Skipti tvisvar um kyn

Er löggjafinn að hygla lögleysinu ?

Eitthvað finnst mér að alþingi Íslendinga sé nú að snúast upp í andhverfu sína. Ef tillagan verður samþykkt og jafnræðis á að gæta þá hljóta nú einhverjir fyrir austan fjall að athuga með að láta taka upp sín mál.

Ekki árás á Alþingi

Guð nútímans, hin heilaga samkynhneigð.

  Nýr “guð” hefur nú litið dagsins ljós, “ hin heilaga Samkynhneigð”  Honum skal allur lýður lúta eða hafa verra af. Að mæla gegn þessum guði nútímans er nú kallað “guðlast” þótt guðlast hafi fyrir löngu þótt úrelt, þegar talað er um Guð biblíunnar.

Það er með þennan guð eins og hinn ævaforna Guð biblíunnar að hann er andi, bara nútímalegri. Í stað þess að kalla fólk, þá  beygir hann fólk undir “sinn vilja”. Flestir sem hafa beygt sig, hafa lýst þeirri baráttu sem það kostaði. Fyrst við þá sjálfa, að sigra sína eigin samvisku og síðan að koma út úr skápnum, eins og það kallast.

Þessi nýi guð nútímans krefst algjörrar undirgefni af sínum börnum. Ekki bara það, heldur boða spámenn hans “fagnaðarboðskapinn” djarflega og  krefjast þess einnig að ríkisstjórnir og önnur yfirvöld beygi sig og taki trúna.Eins og flestir vita hefur guði nútímans tekist þetta ætlunarverk sitt nokkuð vel. Alþingi Íslendinga beygði sig í auðmýkt og sagði að aumingjarnir sem væru að missa heimili sín gætu bara beðið. Guð nútímans skyldi sko hafa forgang. 

Einu sinni á ári fer kirkja þessa guðs í göngu niður Laugaveg, og þá klæðist fólk fatnaði, sem berar ákveðna líkamshluta á ögrandi hátt, því guð nútímans hefur sagt að hann sé kominn til að ögra gömlum, asnalegum siðferðisgildum. Ekki amast lögregluyfirvöld við þessu, en mér segir svo hugur að ef okkur hinum smælingjunum dytti í hug að ganga berrassaðir niður Laugaveginn, þá yrði okkur að sjálfsögðu stungið inn. 

 Það er bara eitt vígi sem enn er eftir, og það er Guð biblíunnar, sem nú á að beygja. Þar hófst “hinn guðinn” handa í prestastétt og tókst fljótlega að hrífa með sér frjálslynda, unga presta, sem tóku trúna og játuðust “guði nútímans” og segja þeir hinir sömu nú, að Guð Biblíunnar sé bara alltof gamaldags, Hann fylgist ekki lengur með “(nú)tímanum” 

Biskup þjóðkirkjunnar á Íslandi hefur nú beygt sig í auðmýkt og beðið “herra guð nútímans “ auðmjúklega afsökunar á því að hafa verið svo mikill kjáni að skilja ekki hver væri hinn sanni Guð.

Þessi nýi “guð nútímans” hefur komið því til leiðar að allir sem ekki tilbiðja hann og beygja sig, kallast nú gagnkynhneigðir, fordómafullir, kærleikslausir, skilningslausir, miskunnarlausir, fornaldarmenn, fólk sem virðist ekki vita á hvaða öld það lifir. 

Fyrir mig “gamlan manninn” sem ennþá lifi við þá fornaldarhugsun að 2+2 =4 , þá er þetta hliðstætt við að  einhver reyni að berja það inn í minn haus, að nú sé komið árið 2010 og 2+2 = 5 Að halda því fram að tveir karlmenn geti verið hjón, er jafn óskiljanlegt í mínum huga og að 2+2 geti verið 5. Hjónaband kemur frá hjú, sem er hvorugkynsorð yfir karl og konu. Fyrir hjónaband þarf því karl og konu. Þetta hefur ekkert með neina fóbíu að gera, ekki heldur hvort ég elska þennan eða hinn, þetta er einfaldlega íslensk málfræði.Þar fyrir utan er ég þeirrar skoðunar að nýju lögin sem Alþingi hefur sett varðandi þessi mál, séu atlaga að sköpunarverki Guðs og kristinni kenningu.Þessi lög hafa einfaldlega ekkert með mannréttindi að gera.  Það segir meira að segja Mannréttindadómstóll Evrópu í nýlegum úrskurði. Það gleymdist að endurmennta hann í þessari nýju kenningu. 

Sumarmót Hvítasunnukirkjunnar

Nú líður að sumarmóti Hvítasunnukirknanna sem í ár er haldið í Keflavík. Þetta mót er eiginlega endurkoma gömlu mótanna, sem mín kynslóð ólst upp við. Nema í þá daga stóðu mótin yfir í 7 daga.

Nú, á forsíðu :www.keflavikgospel.is er plakat sem hægt er að smella á þar sem upplýsingar eru um mótið og samkomutíma.
Það er von okkar í Keflavík að þetta megi vera tími uppörvunar og endurnýjunar, auk þess að við eigum gott samfélag.
Við ætlum að hafa fjölbreytilega dagskrá. Það verða sönghópar frá Keflavík, Akureyri.ofl.

Nú ræðumenn verða:

Fimmtudagur kl. 20.00       Kristinn Ásgrímsson     
Föstudagur    kl. 15.00       Guðni Hjálmarsson
Föstudagur    kl. 20.00       Aron Hinriksson
Laugardagur  kl. 10.00       Karl Stefán Samúelsson
Laugardagur  kl. 20.00       Snorri Óskarsson
Sunnudagur   kl. 11.00       Vörður Traustason

Kvöldsamkomurnar  og sunnudagssamkoman eru haldnar í Ytri Njarðvíkurkirkju, en aðrar samkomur í Hvítasunnukirkjunni.

Allir velkomnir .