Staðinn að verki

 

 

Fyrir nokkru var ég stöðvaður af lögreglu fyrir að tala í símann undir stýri.

Ung lögreglukona kom og bað mig á fagmannlegan hátt að koma yfir í lögreglubílinn.

Veistu af hverju við stöðvuðum þig, spurði hún mig þegar ég var sestur inn í bílinn með bláu ljósunum.  Aftur fagmannleg spurning, hugsaði ég . Þau vildu fá að vita hvaða mann ég hefði að geyma.

Jú, ég var að tala í símann, svaraði ég af  undirgefni.  Nú ég fékk síðan að greiða til samfélagsins 3950 kr. og hef ekki talað í símann undir stýri síðan. Ég er þakklátur þessum laganna vörðum fyrir  að venja mig af þessum ósóma.

 

Nú, sagan er ekki öll, því að afastelpan mín sem hafði hringt í mig tjáði mér, þegar ég kvartaði yfir því að dýrt væri að tala við hana í síma:  " Afi þetta er miklu ódýrara en tími hjá sérfræðingi. "

Athugasemdir

[Linda, 14.5.2007 kl. 22:52]

  afa stelpan þin hefur rétt fyrir sér.