Gamla "frjálshyggjuguðfræði lumman"

Prestur kirkjunnar, Glynn Cardy, segir markmið auglýsingarinnar að gera grín að bókstaflegri túlkun jólaguðspjallsins. „Við viljum fá fólk til að íhuga hvað jólin snúast í raun og veru um," segir hann. „Snúast þau í alvöru um andlegan karlguð sem sendi sæði sitt svo að barn gæti fæðst, eða snúast þau um kraft ástarinnar á meðal okkar og sem birtist í Jesú Kristi?"

Hér kemur enn einu sinni fram þessi vinsæla blekking frjálshyggjuguðfræðinnar. Biblían er mjög skýr, hún segir okkur að: Svo elskaði Guð heiminn að hann gaf son sinn eingetin til þess að hver sem á Hann trúir glatist ekki heldur hafi eilíft líf.

En það sem er svo skondið við þessa frjálshyggjuvellu, sem margir prestar halda varla vatni yfir, er að hún kennir að : "Kristur hafi komið til að hjálpa fólki að lifa í synd sinni. " Biblían kennir hins vegar að Kristur hafi komið til að frelsa okkur frá syndum okkar.

Ef kærleikurinn  táldregur, blekkir og leiðir fólk afvega eða frá hinni heilnæmu kenningur, sem Páll postuli talar um, þá er það einfaldlega ekki kærleikur Krist, heldur blekkingarandi, eða eins og Páll talar um í 2.korintubréfi 11.kafla : " Annar Jesús og annar andi "  og það er einmitt uppspretta, frjálshyggjuvellunnar.

Að mínu mati skipar þessi Glynn Cardy og hans kirkja sér í hóp þeirra er hafa Guð að háði, eða Guðlastara.

En megi Guð gefa öllum þeim sem þetta lesa gleðileg jól og farsælt komandi ár.

Deilt um meydóm Maríu í Nýja-Sjálandi

Athugasemdir

[Jón Valur Jensson, 23.12.2009 kl. 18:47]

Þakka þér, Kristinn, fyrir góðan pistil – sanna hugvekju.

Guð gefi þér, fjölskyldu þinni og söfnuði GLEÐILEG JÓL.

[Kristinn Ásgrímsson, 23.12.2009 kl. 18:54]

Þakka þér kæri bróðir og Guð gefi þér og fjölskyldu þinni einnig gleðileg jól og farsælt komandi ár.

[Ragnar Birkir Bjarkarson, 24.12.2009 kl. 06:24]

takk fyrir góða grein, óska þér gleðilegra friðar jóla og farsælt komandi árs og heimili þínu og kirkju - það er gott að lesa greinarnar þínar - Drottinn blessi þig

[Kristinn Ásgrímsson, 24.12.2009 kl. 14:37]

Takk Ragnar og gleðileg jól