Þótt einhver hafi allsnægtir, þá er líf hans ekki tryggt með eigum hans.

Þótt einhver hafi allsnægtir, þá er líf hans ekki tryggt með eigum hans. Betri er lítil eign réttláts manns en auðlegð margra óguðlegra . Betra er lítið í ótta Drottins en mikill fjársjóður með áhyggjum.  Guðhræðslan samfara nægjusemi er mikill gróðavegur... Ef vér höfum fæði og klæði, þá látum oss það nægja. Gef mér hvorki fátækt né auðæfi en veit mér minn deildan verð. Ég kynni annars að verða of saddur og afneita og segja : Hver er Drottinn ? Eða ef ég yrði fátækur, kynni ég að stela og misbjóða nafni Guðs míns.

Verið ekki áhyggjufullir um líf yðar, hvað þér eigið að eta eða hvað þér eigið að drekka, ekki heldur um líkama yðar, hverju þér eigið að klæðast. Er ekki lífið meira en fæðan og líkaminn meira en klæðnaðurinn?

Var að lesa þetta í morgunn, og hugsaði: Peningar koma og fara, en lífið er ekki hægt að kaupa. 

Riningarvers: Lúk. 12.15- Sálmur 37.16- Orðskv 15.16- 1.Tím 6.6-8 - Orðskv. 30. 8-9. Matt. 6.11-25.   

Athugasemdir

[Rósa Aðalsteinsdóttir, 23.10.2009 kl. 13:37]

Sæll og blessaður

Takk fyrir góða grein. Fletti upp þessum orðum og las áfram í köflunum. Set hér smávegis af því sem þú vísar í:

Ekki áhyggjufullir

"Og hann sagði við lærisveina sína: "Því segi ég yður: Verið ekki áhyggjufullir um líf yðar, hvað þér eigið að eta, né heldur um líkama yðar, hverju þér eigið að klæðast.

Lífið er meira en fæðan og líkaminn meira en klæðin.

Hyggið að hröfnunum. Hvorki sá þeir né uppskera, eigi hafa þeir forðabúr eða hlöðu, og Guð fæðir þá. Hve miklum mun eruð þér fremri fuglunum!

Og hver yðar getur með áhyggjum aukið spönn við aldur sinn?

Fyrst þér nú orkið ekki svo litlu, hví látið þér allt hitt valda yður áhyggjum?

Hyggið að liljunum, hversu þær vaxa. Hvorki vinna þær né spinna. En ég segi yður: Jafnvel Salómon í allri sinni dýrð var ekki svo búinn sem ein þeirra.

Fyrst Guð skrýðir svo grasið á vellinum, sem í dag stendur, en á morgun verður í ofn kastað, hve miklu fremur mun hann þá klæða yður, þér trúlitlir!

Hafið ekki hugann við, hvað þér eigið að eta og hvað að drekka, og kvíðið engu.

Allt þetta stunda heiðingjar heimsins, en faðir yðar veit, að þér þarfnist þessa.

Leitið heldur ríkis hans, og þá mun þetta veitast yður að auki." Lúk. 12: 22.-31.

Guð veri með þér

Kær kveðja/Rósa

[Rósa Aðalsteinsdóttir, 23.10.2009 kl. 13:40]

"Safnið yður ekki fjársjóðum á jörðu, þar sem mölur og ryð eyðir og þjófar brjótast inn og stela.

Safnið yður heldur fjársjóðum á himni, þar sem hvorki eyðir mölur né ryð og þjófar brjótast ekki inn og stela.

Því hvar sem fjársjóður þinn er, þar mun og hjarta þitt vera.

Augað er lampi líkamans. Sé auga þitt heilt, mun allur líkami þinn bjartur.

En sé auga þitt spillt, verður allur líkami þinn dimmur. Ef nú ljósið í þér er myrkur, hvílíkt verður þá myrkrið.

Enginn getur þjónað tveimur herrum. Annaðhvort hatar hann annan og elskar hinn eða þýðist annan og afrækir hinn. Þér getið ekki þjónað Guði og mammón.

Því segi ég yður: Verið ekki áhyggjufullir um líf yðar, hvað þér eigið að eta eða drekka, né heldur um líkama yðar, hverju þér eigið að klæðast. Er lífið ekki meira en fæðan og líkaminn meira en klæðin?

Lítið til fugla himinsins. Hvorki sá þeir né uppskera né safna í hlöður og faðir yðar himneskur fæðir þá. Eruð þér ekki miklu fremri þeim?

Og hver yðar getur með áhyggjum aukið einni spönn við aldur sinn?

Og hví eruð þér áhyggjufullir um klæði? Hyggið að liljum vallarins, hversu þær vaxa. Hvorki vinna þær né spinna.

En ég segi yður: Jafnvel Salómon í allri sinni dýrð var ekki svo búinn sem ein þeirra.

Fyrst Guð skrýðir svo gras vallarins, sem í dag stendur, en á morgun verður í ofn kastað, skyldi hann þá ekki miklu fremur klæða yður, þér trúlitlir!

Segið því ekki áhyggjufullir: ,Hvað eigum vér að eta? Hvað eigum vér að drekka? Hverju eigum vér að klæðast?`

Allt þetta stunda heiðingjarnir, og yðar himneski faðir veit, að þér þarfnist alls þessa.

En leitið fyrst ríkis hans og réttlætis, þá mun allt þetta veitast yður að auki.

Hafið því ekki áhyggjur af morgundeginum. Morgundagurinn mun hafa sínar áhyggjur. Hverjum degi nægir sín þjáning.

Shalom

Rósa Aðalsteinsdóttir ritari Kristins Ásgrímssonar

[Stefán Ingi Guðjónsson, 24.10.2009 kl. 22:50]

Sæll Kristinn.

Takk fyrir góða grein. Jesús sagði: „hvað stoðar það manninn að eignast allan heiminn en fyrirgjöra sálu sinni."

Hann sagði einnig: „Leitið fyrst ríkis hans og réttlætis og þá mun yður all hlotnast að auki.

Ég held að Íslendingar séu að vakna af dáleiðingar svefni Mammóns og sjá sannleikan í málinu. 

Guð blessi þig

Stefán

[Kristinn Ásgrímsson, 24.10.2009 kl. 23:22]

Takk Rósa mín, það er stafli á skrifborðinu mínu, þú reddar því fyrir hádegi á morgunn. 

Já Stefán, ég vona það, ég ók fram hjá húsi um daginn, þar stóð út í gluggga: " Lífið er yndislegt"  Ég er sammála

[Rósa Aðalsteinsdóttir, 25.10.2009 kl. 15:38]