Kærleikur á undanhaldi og lögleysi í sókn.

 

 

 

Að koma heim úr fríi þá hálfpartinn þyrmdi yfir mig af  öllum neikvæðu fréttunum.

 

Varð forviða  þegar ég heyrði í fréttum að lögmaður dæmds ofbeldismanns hefði fengið þann úrskurð að framheili sakamannsins hefði skaddast í slysi og nú þyrfti að meta hvort maðurinn væri sakhæfur.  Er hægt að gera meira grín að réttarkerfinu spyr ég ?  Eru lögin þá sett til þess að hálir lögfræðingar komist í kring um þau og lögleysið fái að vaða uppi.

Enn heyri ég að fólk setja fram þau rök að vegna þess að ungri stúlku var nauðgað, að þá verðum við að leyfa fóstureyðingar. Ung kona segir, ef ég yrði þunguð núna í þessum kringumstæðum, færi ég hiklaust í fóstureyðingu. Það er eins og verið sé að tala um dekk undir bílnum .

Maður fer til dyra með exi og klífur andlit gestkomanda, enda viðkomandi óboðin.

Við heyrum hrópað: Friðum hvalina, ættleiðum hvalina, en það er sjálfsagður réttur að eyða börnum.

Við þurfum orðið sérsveitarmenn til að gæta okkar  á götum borgarinnar, eftir að skyggja tekur. Unglingar á kafi í eiturefnum, ofbeldishneigðir, virðast margir ekki vita muninn á réttu og röngu. Unglingageðdeildir yfirfullar.

Hvaðan kom lögleysið til þeirra. Eða hvernig eiga börnin að bera virðingu fyrir því sem er rétt og gott ef löggjafinn og við sem á undan göngum gerum ekki svo.

Er þetta það þjóðfélag og sú lífsmynd sem við þráum ?  

Það var Jesús Kristur sem sagði þetta: ..og vegna þess að lögmálsbrotin magnast, mun kærleikur alls þorra manna kólna.

Þetta helst í hendur að virða Guð og virða menn, og elska Guð og að elska menn.

Í orðskviðum Salómons stendur: Þegar óguðlegum fjölgar, fjölgar og misgjörðum....aftur í sama kafla: Þegar réttlátum fjölgar, gleðst þjóðin, en þegar óguðlegir drottna andvarpar þjóðin.

Ef lögfræðingurinn vildi skjólstæðingi sínum vel, og hefði til þess þekkingu, þá myndi hann ráðleggja honum að játa afbrot sín og biðja þá sem hann hefur brotið gegn fyrirgefningar. Þá fyrst yrði þessi aumingja maður frjáls, þótt hann sæti ynni. Það er hægt að vera fangi þótt menn séu ekki í fangelsi. Það er líka hægt að vera í fangelsi og vera frjáls. Þegar við horfumst í augu við gjörðir okkar og iðrumst þeirra af hjarta, þá tökum við fyrsta skrefið í átt til frelsis.

Sannleikurinn gerir okkur frjáls, en lygin og blekkingin fangelsar okkur.

Það gladdi mig hins vegar að heyra þegar ég kom heim úr fríinu að í Ármúlanum hefði vændishúsi verið breytt í bænahús. Þar sem áður voru seld eiturlyf kemur fólk nú saman til bæna, iðrast synda sinna og upplifir ótrúlega lausn og lækningu, sem aðeins Jesús Kristur getur gefið inn í sitt líf.

Það segir mér, að það er til lifandi Guð sem skapaði himinn og jörð og Hann er sá sem skapaði manninn til að eiga samfélag við sig . Og aðeins í þessu samfélagi virkar maðurinn eins og ætlast var til.

Athugasemdir

[halkatla, 5.9.2007 kl. 22:48]

ég þakka góð orð

[Linda, 6.9.2007 kl. 03:11]

Tek undir með Önnu K.  þó vil ég bæta við að það sé ótrúlegt stress í þjóðfélaginu, maður finnur það og sér það í fréttum landans.  Fólk hatast út í trúaða og gerir lítið úr skoðunum þeirra.  Guð gefi okkur úthald og styrk í þessari baráttu við þau öfl sem stríða gegn öllum í þessu landi.  Við eigum von í Kristi og það er dásamlegt að heyra  um Ármúlann, Þannig er Guð, hann mætir þar sem fólk á síst von á, enda sýndi Jesú það best.  

[Ruth, 6.9.2007 kl. 13:31]

Þakka þér fyrir að færa þetta í orð ,ég er innilega sammála

[sunneva (IP-tala skráð) 7.9.2007 kl. 16:25]

já afi, ég er 100% sammála!
og er Ekkert SMá gløð að heyra um Ármúlann

[enok (IP-tala skráð) 8.9.2007 kl. 21:56]

Sterklega orðaður pistill, og ekki veitir víst af . Kveðja : e n o k

[Díana (IP-tala skráð) 12.9.2007 kl. 22:40]

Myrkur sem einkennist af virðingarleysi... allt frá örfínni athugasemd upp í akkúrat þetta. Ég bið Guð um Ljós

Oft skil ég ekki hversu langt þetta fær að ganga en ég hef lært að koma með áhyggjur mínar fram fyrir Drottinn og að leita Guðs með bæn, beiðni og þakkargjörð. Takk fyrir góða lesningu Kiddi minn og faðir minn "Verði þinn vilji"

[Kristinn Ásgrímsson, 13.9.2007 kl. 18:16]

Þakka ykkur öllum innlitið og góð orð.

[Guðsteinn Haukur Barkarson, 14.9.2007 kl. 01:10]

Flottur pistill Kiddi minn, sem var svo sem ekki við öðru að búast frá trúmanni eins og þér. En velkominn heim og ég vona að þú hafir notið þess að vera í fríi.