Mengun sálarinnar.

 

Las í  "Blaðinu" í dag frétt sem bar yfirskriftina Klámfengi og kvenfyrirlitning. Þar er rætt um agavandamál í vinnuskóla Kópavogs. Forstöðumaðurinn segist hafa gert sér grein fyrir því að ekki var nóg að hafa reglur bara varðandi skipulag og matartíma.

 Heldur þurfti líka að setja reglur varðandi bann við nauðgunarbröndurum, grófum klám-athugasemdum og niðrandi útlendingabröndurum innan hópsins. Þessar reglur endurtek ég fyrir einstaklingum i vinnuhópnum nánast daglega, segir forstöðumaðurinn.

Guðsteinn bloggvinur minn talar um reykingar í dag og að fólk sem reykir fái ekki að taka að sér börn. En hvað með fólk sem mengar sálarlíf barna sinna með ósiðlegu athæfi. Kannski erfiðara að koma í veg fyrir það.  Hvað með þjóðfélag sem lætur þetta ósiðlega athæfi viðgangast og gerir jafnvel góðan róm að ?

Það var tvennt sem kom í hugann þegar ég las umrædda grein. Í fyrsta lagi : Við sem þjóð höfum snúið okkur frá kristnum gildum og uppskerum samkvæmt því. Orðskv. 29:16, Þegar óguðlegum fjölgar, fjölgar og misgjörðum

Orðskv. 29.2. Þegar réttlátum fjölgar, gleðst þjóðin, en þegar óguðlegir drottna, andvarpar þjóðin.

Annað: Þegar Jesús var hér á jörðinni, sagði hann:  "Leyfið börnunum að koma til mín."

Því miður eru margir í dag sem meina börnum sínum að koma til Jesú .

Og því fara þau á mis við það sem hann getur og vill gefa þeim.

Drottin mun vernda þig fyrir öllu illu, hann mun vernda sál þína.  ( sálmur 121.7)

Um það snýst málið, það sem sálin nærist á það er það sem út kemur.

Af hverju ekki að leyfa Drottni að vernda sálarlíf komandi kynslóðar.

Athugasemdir

[Guðsteinn Haukur Barkarson, 25.6.2007 kl. 17:59]

Amen Kiddi minn! Góður pistill hjá þér! Megi Drottinn vernda þann veg sem börnum okkar er ætlað, ég er sammála þér með sálarlíf barna okkar og komandi kynslóða er mikilvægt, ef ekki það mikilvægasta sem við getum gefið þeim. Þ.e.a.s. það veganesti sem hefur alveg gleymst í þessu hraða nútímasamfélagi, þá á ég við kærleikann. Börnin sækja sínar fyrirmyndir í foreldra sína og er okkur skylt að veita þeim þá leiðbeiningu og ást sem við getum. Að ég skuli reykja er eitthvað sem ég er ekki stoltur af, og er slæm fyrirmynd í þeim efnum fyrir börnin mín, ég hef enga afsökun varðandi það og reyni ekki að koma með hana. En það að yfirvöld setji slík boð og bönn sem ég tel vera hreint óréttlát, það get ég ekki látið mig engu skipta. Þess vegna bloggaði ég um þetta. En mér gengur vel að reyna hætta að reykja og er bara hreykin af árangrinum. 

[Kristinn Ásgrímsson, 25.6.2007 kl. 18:59]

Takk fyrir þetta Guðsteinn, vona að ég farið að sjá þig suður með sjó.

[Guðrún Sæmundsdóttir, 26.6.2007 kl. 14:50]

Já það var sjokkerandi að lesa vitnisburð forstöðumannsins í unglingavinnunni Kópavogs. Þetta er landlægt vandamál sem við verðum að bregðast við. Alltof margir skella skuldinni á skólakerfið í stað þess að taka á málum heimavið.  Það er vaxandi andstaða trúlausra við kristnifræðikennslu í skólum og því að börnin fái að syngja kristileg lög, þetta er svo sorglegt.  En Haukur ég hef trú fyrir því að þú hættir að reykja! ég er algjörlega handviss um það!  Kristinn hvað er í gangi þarna suður með sjó? Er ég að missa af einhverju?

[Kristinn Ásgrímsson, 26.6.2007 kl. 15:11]

Sæl  Guðrún og takk fyrir innlitið, það var gaman að sjá þig á tónleikunum um daginn. Ég var reyndar bara að minna Guðstein á að hann ætlaði að kíkja á samkomu hjá okkur einhvern tíma. Það er reyndar góð heimsókn næsta sunnudag. Góðir bræður frá Afríku. Þú ert líka velkomin.

[Guðrún Sæmundsdóttir, 26.6.2007 kl. 15:30]

Spennandi, hvað er í gangi hjá þessum kristnu bræðrum á Afríku?

[Kristinn Ásgrímsson, 26.6.2007 kl. 18:16]

Sæl Guðrún. Sjón er sögu ríkari. Sunndaginn kl. 11.00. Velkomin

[Guðrún Sæmundsdóttir, 28.6.2007 kl. 21:09]

Takk kærlega fyrir gott boð, en ég ætla að eiga það inni,þessir menn verða hérna í Hafnarfirði í Vonarhöfn og stefni ég á að kíkja þangað.  Spurning hvort að moggabloggarar fjölmenni ekki einhverntíma í bloggmessu til þín? 

[Guðsteinn Haukur Barkarson, 29.6.2007 kl. 09:55]

Ég kemst ekki núna um þessa helgi Kiddi, en ég kemst helgina eftir það. Klukkan hvað eru samkomur núna hjá ykkur? Er ekki einhver sumartími? Sem mig minnir að sé 16:30?

[Kristinn Ásgrímsson, 29.6.2007 kl. 23:23]

Sæll Guðsteinn Haukur, samkomur eru allt árið um kring kl. 11.00 á sunnudögum.

Hlakkar til að sjá þig.

[Guðrún Sæmundsdóttir, 29.6.2007 kl. 23:40]

Þeir bræður frá Afríku gætu verið þeir sömu og verða hjá þér, allavega fór ég á meiriháttar samkomu hjá Vonarhöfn í gamla Gúttó í hafnarfirði, og  þessi var svo kraftmikil og sterk,  predíkarnir frábærir Svo það er eitthvað verulega mikið sem bíður ykkar í keflavíkinni