Guð blessi Ísland

 

 Þessi orð komu upp í huga minn, þegar ég fékk bréf frá vini í Frakklandi, þar sem hann var að lýsa bágu efnahagsástandi Frakklands og tvísýnu E.S.B. landanna og sagði svo: Þegar öllu er á botnin hvolft, þá er Ísland ekki svo illa statt í samanburði við aðrar Evrópuþjóðir.

Það er nefnileg þannig, að þegar stórt skip sekkur þá myndast mikið sog sem dregur allt nálægt með sér niður. Bréf þessa vinar míns lýsti ákveðnum ótta þeirra sem nú þegar tilheyra þessu stóra skipi, sem við köllum E.S.B, og margir héldu að væri ósökkvandi eins og Titanic forðum.

Getur verið að Guð hafi blessað Ísland frá því að fara um borð.  Tæpast yrði spillingin upprætt með því að fara um borð í það skip, sem nú siglir undir "Guðleysisfána"

Annað, þegar forsætisráðherra sagði þessi orð í árslok 2008 þá voru margir sem höfðu hann að háði. Það er hins vegar sannfæring mín að þessi orð hans hafi fært landinu meiri gæfu, heldur en erindisbréf núverandi stjórnar um aðild að hinu sökkvandi Evrópubandalagi.

Af hverju, jú ég ætla að leyfa hinum forna spekingi Salómon að svara því er hann sagði:

Þegar réttlátum fjölgar, þá gleðst þjóðin, en þegar óguðlegir drottna , andvarpar þjóðin. Orðskv. 29.2.

Þegar óguðlegum fjölgar, fjölgar og misgjörðum, en réttlátir mun horfa á fall þeirra. Orðskv. 29.16.

Að lokum vil ég vitna í hinn rússneska Alexander Solzhenitsyn sem sagði að : Skilin milli góðs og ills liggja ekki milli ríkja, stétta né stjórnmálaflokka, ...heldur þvert í gegnum séhvert mannlegt hjarta.

Guð blessi Ísland.

 

Spilling í íslensku þjóðfélagi

Athugasemdir

[Rósa Aðalsteinsdóttir, 2.5.2010 kl. 13:40]

Sæll og blessaður

Frábær pistill.

Megi almáttugur Guð vernda okkur frá ESB.

Er Sumarmótið Hvítasunnumanna síðustu helgina í júní hjá ykkur í Keflavík? Kannski komin auglýsing á heimasíðuna ykkar?

Guð blessi þig og varðveiti

Kær kveðja/Rósa

[Rósa Aðalsteinsdóttir, 2.5.2010 kl. 13:43]

Sæll aftur.

Nú getur Dísa farið inná facebook og séð að ég setti bloggið þitt á facesíðuna mína.

Shalom/Rósa

[Jón Valur Jensson, 2.5.2010 kl. 16:47]

Já, góður er pistillinn.

Kærar þakkir, Kristinn.

[Guðrún Sæmundsdóttir, 2.5.2010 kl. 18:18]

Takk fyrir góðan pistil, hverju orði sannari.

[Kristinn Ásgrímsson, 2.5.2010 kl. 20:13]

Þakka ykkur góðar kveðjur Guðrún og Jón.

Rósa, aulýsingin fer í póst á mánudag,þriðjudag, jú það er síðasta helgin í júní og þú getur séð þetta gospel.is

[Mofi, 3.5.2010 kl. 10:53]

Góður pistill.  ESB virðist vera mikið guðleysis batterí og ekki vildi ég vera þar innanborðs ef eitthvað fer úrskeiðis hjá þessu risabatteríi.

[Tómas Ibsen Halldórsson, 4.5.2010 kl. 10:37]

Takk fyrir góðan pistil Kiddi.

Bestu kveðjur til ykkar úr Hafnarfirðinum.

[Guðmundur St Ragnarsson, 13.5.2010 kl. 13:35]

Góð orð og áminning frá frönskum vini. Guð forði okkur frá ESB. Takk fyrir þetta Kiddi.