Leita í fréttum mbl.is

Það gerist fleira á leikskólum

Var að tala við starfsmann leikskóla í gær. Hún tjáði mér að það væri búið að skipta út bæninni: Nú er ég klæddur komin á ról og komin einhver þula í staðin. Þetta ætti að gleðja vini mína vantrúarmenn.

 Annað sem ég heyrði líka í gær í vinnunni.  Amman fór í leikskólann með 2 ára barnabarnið á jólatréskemmtun. Jólasveinninn var mættur á staðin og byrjar að tína upp úr poka sínum. Það fyrsta sem hann tók upp úr pokanum var brjóstahaldari. Umrædd amma sagði að börnin hefðu ekki skilið hvað um væri að vera og var sjálf furðu lostin.En þetta er ekki kristilegt og þá í lagi eða hvað ?

Frásögn úr skóla í Reykjavík þar sem nokkrir 6 ára drengir halda félaga sínum meðan einn af þeim pissar á hann. Gæti verið gott að segja þessum drengjum frá kærleika Jesú, eða þessum orðum Hans: “ allt sem þér viljið að aðrir menn gjöri yður það skuluð þér og þeim gjöra.”

Heyrði að byrjað væri að kenna börnum jóga í leikskólum.Hvað segja vantrúarmenn um það ?Er þá hindúismi betri en kristin trú. Og er heilbrigðara að lát börn kyrja eitthvað nafn á illum indverskum anda og setja sig í stellingar til að tilbiðja sólina fremur en að biðja til Krists ? Ég kýs fremur Jesú bróðir besti og barnavinur mesti.....

Merkileg var einnig sú frétt sem var á forsíðu fréttablaðsins í gær að alnæmissamtökin, kenndu ungum drengjum að fróa sér í smokk. Hvaða boðun er það nú ? Eða vilja menn kalla þetta bara fræðslu. Eða er þetta spurningin um manngildi ? Tengist þetta alnæmi ? Já er ekki lífsnauðsyn að koma kristnum gildum út ?

 En þegar eitt fer út kemur annað inn og við sjáum nú þegar anda lögleysis að verki  meðal unglinga. Ekki lengra en síðan í gær að í fréttum var sagt frá 16 ára dreng, sem var dæmdur fyrir að nauðga tveimur stúlkum. Ég spyr aftur er ekki þörf á að koma kristnum gildum í burtu ?

 Jesús Kristur sagði: Leyfið börnunum að koma til mín og varnið þeim eigi.

Orðskviðir Salómons segja: Fræð þú sveininn um veginn sem hann á að halda og á gamals aldri mun hann ekki af honum víkja.   


« Síðasta færsla | Næsta færsla »

Athugasemdir

1 identicon

Sæll Kristinn. Þetta var sláandi að lesa þennan hrylling. Þjóðin okkar er á hraðri leið að afkristnast. Ég veit líka um dæmi þar sem var yogakennsla. Flestir halda að þetta sé eingöngu leikfimi og slökun en það er mesti misskilningur. Þetta eru eins og við vitum austræn trúarbrögð. Væri frábært að sjá pistil um yoga og hvað þar er á bakvið. Ég sá að Yngvi Rafn er byrjaður að blogga.

Guð veri með þér kæri bróðir og varðveiti þig. Kær kveðja/Rósa

Rósa Aðalsteinsdóttir (IP-tala skráð) 15.12.2007 kl. 00:44

2 identicon

Vitið þið, að ég á bara ekki eitt, orð.

Svo mikið, gengur þetta, fram af mér.

Nei, hér er aðgerða þörf.

Þórarinn Þ Gíslason (IP-tala skráð) 15.12.2007 kl. 08:12

3 Smámynd: Guðsteinn Haukur Barkarson

Nákvæmlega Kiddi minn, og svo erum við kallaðir öfgamenn? Dæmi þitt sýnir og sannar hverjir hafa gengið lengra en nokkur annar.

Guðsteinn Haukur Barkarson, 15.12.2007 kl. 12:23

4 Smámynd: Linda

Skelfilegt bara.  Þetta vilja þeir sem þykjast vita meira en Jesú.  Guð hjálpi okkur.

Linda, 15.12.2007 kl. 15:34

5 identicon

Sæll Kristinn.

Guðbjörg Salóme Þorsteinsdóttir frænka mín á Ísafirði benti mér á grein sem birtist í Fréttablaðinu 13 des. Það gengur alveg fram af mér. hvað er eiginlega í gangi?

Guð blessi þig Kiddi minn. Kær kveðja/Rósa

Bentu vini þínum á þessa greinKennari ósáttur við forvarnafræðslu Menntamál Tveir þingmenn í suðurkjördæmi hafa fengið sent erindi frá Gísli Óskarssyni, fréttamanni og kennara við barnaskólann í Vestmannaeyjum.

Menntamál Tveir þingmenn í suðurkjördæmi hafa fengið sent erindi frá Gísli Óskarssyni, fréttamanni og kennara við barnaskólann í Vestmannaeyjum. Erindið er vegna forvarnarfræðslu sem fram fór í skólanum á föstudag en þar fræddu fulltrúar Alnæmissamtaka Íslands fjórtán og fimmtán ára nemendur um alnæmi og öruggt kynlíf.

Fyrirlesturinn fór fyrir brjóstið á Gísla, sem sagðist í samtali við Fréttablaðið þekkja muninn á fræðslu og innrætingu sem ætti ekki erindi inn í skólann. Segir hann að fyrirlesararnir hafi meðal annars sagt drengjunum að prófa að fróa sér í smokk vildu þeir vita hvernig það væri að sofa hjá stelpu. Þá hafi mikilvæg gildi

eins og fjölskyldan ekki verið rædd.

Gísli kvaðst hafa tekið niður fjölda athugasemda meðan á fyrirlestrinum stóð sem hann sendi til þingmannanna Árna Johnsen og Guðna Ágústssonar auk Landlæknisembættisins sem styrkir fræðsluna.

Samkvæmt heimildum Fréttablaðsins sáu aðrir kennarar skólans ekki ástæðu til að kvarta undan fyrirlestrinum né þeir nemendur sem sátu hann. Alnæmissamtökin heimsækja á ári hverju fjölmarga grunnskóla með fræðslu af þessu tagi.- þo

Rósa Aðalsteinsdóttir (IP-tala skráð) 15.12.2007 kl. 18:22

6 Smámynd: Kristinn Ásgrímsson

Sæl og þakka ykkur öllum innlitið, já það virðist umburðarlyndi í gangi gagnvart öllu, bara ef það tengist ekki skaparanum eða frelsaranum.

Góð vinkona mín kallar þetta:" Umburðarlyndisfasismann"

Kristinn Ásgrímsson, 15.12.2007 kl. 18:37

7 identicon

Sæll. Þetta er ágætis pistill. Þó hefði mátt vera á hlutlausari nótunum ef þetta á að vera að almennri umræðu um kristileg gildi í leikskólum. Þetta virðist vera samtíníngur af frávikum sem eru vissulega slæm, en frávik engu að síður.

Svosem ekkert sem að boðskapur Jesú getur ekki lagað, ef hann er tekin að alvöru, því er ég sammála. En mér fínst þó alltaf pínu.... "smjörvað" (fann ekki orð, bjó eitt til á staðnum) að vitna í Salómon og hans göfugu heilræði, þar sem hann er sjálfur konungur Hórdómsins með 700 eiginkonur og 300 hjákonur. Seint fer ég að taka hans ráð um hvernig ég helst á beinu braut drottins.

Jólakveðjur. Jakob 

Jakob (IP-tala skráð) 15.12.2007 kl. 20:05

8 Smámynd: Aðalbjörn Leifsson

Herra Kristinn, flott hjá þér. Predikarinn segir að það sé ekkert nýtt undir sólinni. Einfeldingar einir eru á móti Kristi og hans siðgæði. Jakob sá er skrifaði síðast er á mörkum þess að vera vinur Krists, líttu á greinaskrif hans Herra Kristinn. Be blessed.

Ps. Við eigum að vanda val okkar á pennavinum.

Aðalbjörn Leifsson, 16.12.2007 kl. 13:46

9 Smámynd: Kristinn Ásgrímsson

Já, Jakob.

Það er þetta með biblíuna, að ég trúi að hún sé innblásið orð Guðs.

Jesús Kristur sagði lærisveinum sínum að breyta eftir öllu því sem farísearnir "kenndu" en ekki breyta eftir lífsmáta þeirra. Orðskviðirnir eru skrifaðir af manni, en viskan er frá Guði , það getur þú lesið um í konungabókunum. Þar lesum við einnig að það voru konurnar sem snéru hjarta Salomons afvega, sem segir okkur að það var sá tími að hjarta hans var rétt gagnvart Guði. Jakob, hugsaðu þér prest sem prédikar heilagleika og fellur síðan í synd. Það breytir ekki því að boðskapurinn var frá Guði.

Hins vegar kæri Jakob, ef ég áhyggjur af þeim áhrifum sem þú verður fyrir undir leiðsögn manna eins og Clarence Glad og ég man ekki lengur hvað hinn hét sem þú vitnaðir í. Páll postuli á reyndar ráð fyrir þig í þeim efnum: Snú þér burt frá slíkum.  Og mín orð til þín eru : Gleðileg jól og Guð blessi þig og varðveit frá vantrúuðum mönnum.

Kristinn Ásgrímsson, 16.12.2007 kl. 14:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Kristinn Ásgrímsson
Kristinn Ásgrímsson
Safnaðarhirðir Hvítasunnukirkjunnar í Keflavík. Nafnlausar athugasemdir eru ekki leyfðar á þessum vef og verða fjarlægðar, sem og dónalegar athugasemdir.

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 2
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband